ჯანდაცვის მსოფლიო ორგანიზაციის (WHO) ევროპის რეგიონული დირექტორის თანამდებობაზე საქართველოს მთავრობის მიერ წარდგენილი კანდიდატის ვიზიტი პორტუგალიაში
ჯანდაცვის მსოფლიო ორგანიზაციის (WHO) ევროპის რეგიონული დირექტორის თანამდებობაზე საქართველოს მთავრობის მიერ წარდგენილი კანდიდატურის, დოქტორ ნატა მენაბდის საარჩევნო კამპანიის ფარგლებში, 2019 წლის 3 სექტემბერს შედგა მისი ვიზიტი პორტუგალიაში. აღნიშნული ვიზიტის ფარგლებში გაიმართა შეხვედრები პორტუგალიის საგარეო საქმეთა სამინისტროს საგარეო პოლიტიკის გენერალური დირექტორის მოადგილესთან ფრანსისკო ალეგრე დუარტესთან და ჯანმრთელობის მინისტრის მოადგილესთან, ჯანმრთელობის სახელმწიფო მდივანთან ფრანსისკო რამოსთან.
აღნიშნულ შეხვედრებზე ქ-ნმა მენაბდემ ვრცლად ისაუბრა თავისი გამოცდილებისა და ორგანიზაციის მომავლის სტრატეგიული ხედვის შესახებ. მასპინძელმა მხარემ დიდი მოწონება გამოხატა საქართველოს კანდიდატის მიმართ და წარმატებები უსურვა.
